Canavar ayın (oktäbri) 30-da Prezident seçimneri geçti. Seçimnerin sonucuna görä Moldovada Prezident seçimnerindä ikinci tur olacek.
Nicä bildirdi ceçimnärlän ilgili brifingta Moldova Merkez Seçim Komisiyanın Alina RUSSU, seçimnerdä 1 milion 433 bin kişi pay almış, ne yapêr 48,97 % seçim hakkı olan insannardan. Seçimnär kusursuz geçmişlär.
Canavar ayın (oktäbri) 31-dä saat 04:20-ya görä bülütennerin 99,04 % sayıldı. Onnar gösterdi, ani Moldovada Prezident seçimnerdä ikinci tur olacek hem o tura geçtilär İgor DODON (48,40 % ) hem Maya SANDU (38,28 % ).
