krokus_3_1

23.03.2024, tarafından yazılı , CÜMNE BÖLÜMÜ, 128 KERÄ BAKILMIŞ

MOSKVAya YAKIN TERAKT: 82 ölü, 100-dän zeedä yaralı

Cumaa avşamı, Baba Marta ayın 22-dä Moskvanın yakınnarında bulunan Krasnogorsk kasabasının “Krokus Siti Hol” konțert zalında terakt oldu. Bu saatta biliner, ani o teraktta 82 kişi öldürüldü, 100-dän zeedä dä yaralandı.

Biliner, ani terakt başladı “Krokus Siti Hol” konțert zalının yanındakı maşinalara parkında avtomatlardan ateş edilmesindän. Sora teroristlär, insannarı öldüreräk, girdilär “Krokus Siti Hol” konțert zalınına, neredä, avtomatların ateşindän kaarä, taa iki dä bomba patlaması oldu. Nedn sora yangın başladı hem zalın örtüsü çöktü.

Teraktlan ilgili pek meraklı açıklamalar oldu. Ukrayna Rusiyanın bu işi kendisinin yaptıını söledi. Amerika hem Evropa bildirdi, ani bu işin içindä Ukrayna yok. Rusiyanın eski prezidentı hem Rusya Güvennik Soveti predsedatelin büünkü yardımcısı Anatoliy MEDVEDEV sa açıkladı, ani “herliim bu işin içindä varsaydı Ukrayna, biz yok edecez hepsini, kim bunu yaptı hem buna izin verdi – taa Ukrayna öndercilerinädän”.

Bu saattaa, teraktlan ilgili, kendi acızgannıını Rusiyaya bildirdilär Rusiyada Moldovanın büükelçilii, Gagauziya büünkü Başkankası Evgeniya GUȚUL hem eskisi İrina VLAH, Moldovanın eski prezidentı İgor DODON, Kşinevun primarı İon ÇEBAN.

Başkasından bir ses taa çıkmadı.

BİR CUVAP YAZIN