ataturk_3

10.11.2014, tarafından yazılı , POLİTİKA BÖLÜMÜ, 2910 KERÄ BAKILMIŞ

Mustafa Kemal ATATÜRKün ölüm Günü anıldı

Kasımın 10-da Türkiye Respublikasının kurucusunun, bütün Türk dünnäsının öndercisi hem XX-ci üzyılın en anılmış liderı olan Mustafa Kemal ATATÜRKün raametli olmasının Gününün 76-cı yılı tamamnandı hem anıldı.

Bu Günü anmaa deyni Moldovada Türkiye Respublikasının Büükelçisi Sayın Mehmet Selim KARTAL Moldovada bulunan türk vatandaşlarına Kasımın 10-da anma sırasına katılmaa teklif etti. Anma sırası Kişinevun “Leogrand Hotel and Convention Center”da oldu.
ataturk_2

Sırası saat 09-05-tä başladı (bu kıpımda 1938-ci yılın Kasımın 10-da durgunmuş Mustafa Kemal ATATÜRKün girgin hem raatsız ürää). Bir minutluk saygı duruşundan sora, anma sırasında pay alannar Türkiye Respublikasının Milli Marşını çaldılar. Nedän sora Büükelçi Mehmet Selim KARTAL salonda bulunannara kısa bir sözlän danıştı hem sözün sonunda teklif etti siiretmää Mustafa Kemal ATATÜRK için “Atatürk’s Legacy” adlı kısa filmı. Bu filmda Amerikanın, Germaniyanın, Angliyanın, Kitayın anılımış profesorları annadêrlar Mustafa Kemal ATATÜRK için, onun Türkiyeyä hem bütün dünneyä yaptıkları için, onun liderlii hem geniylii için.

BİR CUVAP YAZIN