2025-ci yılın Kasım ayın 13-dä Komrat “Mihail ÇAKİR” kolecında studentların arasında geçti ““Muzıkada önderci” zanaatında en islää kişi – 2025” konkursun finalı.
Komrat “Mihail ÇAKİR” kolecında ““Muzıkada önderci” zanaatında en islää kişi – 2025” konkursunda pay alan studentlar becerdilär büük başarılar göztermää kabledilän zanaat uurunda, konkurs programasına görä cuvaplarda hem gösterilerdä, yaratmak uurunda.
Bu konkursun finalı üzä çıkardı kolecın pedagoglarının hem metodistlerin ustalık çalışmalarını, gösterip, ani kolecın studentları hodulluklan giderlär pedagogika adetlerinin hem muzıka incäzanaatın yolundan.
Jürinin kararına görä ““Muzıkada önderci” zanaatında en islää kişi – 2025” konkursunda erlär bölä payedildi:
I-ci er – Pötr KOÇANCI;
II-ci er – Maksim GORELKO;
III-cü er – Mariya SIRBU.
Konkursun başka nominațiyalarında ensedilär:
“Kreativ hem harizma” – Elena FRANGU;
“Muzıkada ihlam” – Sofiya PAÇİ.
Bu konkursun final zamanında koleca musaafirlää geldilär hem gözäl bir yaratma programası gösterdilär Komrat kasabasının 9-cu uşak başçasından uşaklar, angılarını hazırladılar muzıka öndercisi Yaroslava Rodionovna TUKAN hem uşak başçanın başı Anna Vasiyevna KROYTOR.
