Gagauziyanın Çadır kasabasının № 1 “Vasilök” (gag: “Mitliga”) uşak başçasının 2-ci hazırlanmak grupasında Kırım ayın (dekabri) 12-dä “Kıırma yazma günü” sırasında bir master-klas geçti.
“Kıırma yazma günü” sırasında uşaklara deyni kıırmanın hazırlanması uurunda üüredicilik bir master-klası yapıldı, angısında pay aldılar uşakların anaları da.
Master-klas sırasını hazırladı hem geçirdi uşak başçasının gagauz dilindä üüredici terbiediciykası Snejana DEMİRBAG, angısı sıranın içinä aldı lingvistika uurunda gagauz dilinä dalması dalını da.
“Kıırma yazma günü” sırasında ușaklar, analarlan barabar, halk adetlerin havasına daldılar, kullanılan malların gagauz dilindä adlarını üürendilär, kıırma yazma sıradında her türlü işleri yaptılar, lääzımnı açıklamaları sesledilär hem dä cannı hem praktik bir ilișki içindä ana dilini kullandılar.
İnanêrız, ani bu kıırma yazma sırasında ușaklar hem analar arasında aylä baaları kaavilendi, Gagauz halkın ana dilinä hem kulturasına saygı duygusu olușturuldu.
Snejana DEMİRBAG, Çadır kasabasının № 1 uşak başçasının gagauz dilindä üüredici terbiediciykası
