Kasımın 9-da Kişinev kasabasında geçti Olimpiada rezervaları “Olimpiya” şkolasının serbest güreştä açık yarışması, neredä pay aldı Moldovanın herbir köşesindän 180-dän zeedä genç güreşçi.
Olimpiada rezervaları “Olimpiya” şkolasının serbest güreştä açık yarışmasına katıldılar Gagauziyadan Komrat Uşaklarlan gençlär sport şkolasının (UGSŞ) hem Çadır 1-ci UGSŞ-nın üürencileri da.
Açık yarışmada güreşlär oldular 9 kategoriyada. Onnara görä, Gagauziyadan güreşçi Semön ARNAUT (75 kg kategoriyası) gümüş medaliyi kazandı, Dimitriy POPAZ sa (85 kg kategoriyası) bronzayı aldı.
