Avşam, Büük ayın (yanvar) ayın 14-dä, açan son kertää 2 saat kaldı, Moldova Prezidentı Nikolae TİMOFTİ premyer-ministrulaa kandidatın adını açıkladı. Kandidat oldu prezidentın baş sekretari İon PÊDURARU.
Bakmadaan ona, ani Moldova Demokratlar Partiyası prezidenta durmamyca baskı yaptı, ki prezidentı premyer-ministrulaa kandidat Vlad PLAHOTNÜKu koysun, Nikolae TİMOFTİ verilmedi hem bükülmedi.
Şindi top Moldova Parlamentınında bulunêr. Herliim Büük ayın (yanvar) ayın 29-dan parlament premyer-ministruyu ayırmaarsa Moldova parlamenta erken seçimnerä gideçek.
Parlamentın erken sçimnerinä yol açık. Bunu urguladı Moldova Demokratlar Partiyasının başı Marian LUPU da. “Prezidentın seçimi Moldova Respublikasını erken seçimnerä itirer.”- dedi Marian LUPU.
