Canavar ayın (oktäbri) 3-dä Poyraz Makedoniya Devlet Radio hem Televideniyasının (MRTV) etnika grupaların kanalına Türk İşbirlii hem Koordinaţiya Agenstvosunun (TİKA) tarafından studiya kurulmasının, tehnika donatılmasının hem yazılmak yardımnarı proektın başarılmasınnan ilgili bir yortulu sıra yapıldı.
Yortulu sırada pay alan TİKA Başkan Yardımcısı Dr. Mahmut ÇEVİK, bu yardımın Türkiye Respublikasının bir baaşışı olarak görünmesini urgulayarak, açıkladı, ani ellerindeki kolaylıkların hem kaynakların paylaşmasından hodulluk duyêr.
Mahmut ÇEVİK: “İstoriyamızda dilimizlän vardır. Dilimiz hem kimliimizlän büünä kadar var olduk. Bu Boşnak toplumu için, Roman toplumu için, Türk toplumu için, her toplum için geçerlidir. Dilimizä saygıylan izmet etmäk zorundayız. Biri-birimizä saygı göstermäk zorundayız. Bu saygının hem saygıylan izmetin açıklaması olarak ta, büün, Türkiye Respublikası devletinin kalkınma kuruluşu olarak, böla bir studiyanın oluşmasına katkı saaladık” dedi.
TİKA tarafından Poyraz Makedoniya Devlet Radio hem Televideniyasının (MRTV) Türkçä, Boşnakça, Ulahça, Romanca, Serbça olmak üzerä, etnik grupalara önelik yayın yapan kanala baalı studiyanın iç dekorațiyasının yapılmasınnan, tehnologiyalı LED ekran kurulmasınnan profesiyonal video sisteması, ses mikşeri hem yazı yapmak olmak üzerä tehnik altyapıların geliştirilmesinä yardım saalandı.
Hep ölä, TİKA Başkan Yardımcısı Dr. Mahmut ÇEVİK, Türk İşbirlii hem Koordinaţiya Agenstvosunun (TİKA) tarafından, Poyraz Makedoniyanın Devlet Arhivların Osmannı dönemi arhiv bölümü Kurulumuna remont, mebellän tehnik donanım proektın tamamnanması dolayı düzennenän yortulu sırada da pay aldı.
Kaynak: AA
Poyraz Makedoniyada presaya hemDevlet Arhivlarına yardımnar
