Kasım ayın 11-dä Moldova Konstituţiya sudu, inceleyeräk Merkez Seçim Komisiyasının (MSK) danışmasını, kayıl oldu onunnan, ani lääzım Konstituţiyanın diiişilmesi için Referendum yapılsın. Laf gider o bölüm için, neredä prezidentın ayırılması için sölener.
Ani Moldova prezidentını insannar doorudan ayırsınnar deyni Referendum yapmaa teklifinnän MSKya danıştı “DA” platforması.
Konstituţiya sudun kararı verer kolayını en aazdan 6 aydan sora bu Referendumu yapmaa. Herliim “DA” platforması toplarsaydı lääzımnı sayıda vatandaşların imzasını, ozaman Moldova parlamentı lääzım Referendumun gününü belertsin.
