ungureanu_1

10.12.2021, tarafından yazılı , CÜMNE, İNCÄZANAAT, KULTURA, RESİMCİLİK BÖLÜMÜ, 1426 KERÄ BAKILMIŞ

Raametli resimciykanın Olga UNGURÄNUnun anılması için sergi

Kırım ayın (dekabri) 7-dä Gagauziyanın Regional resim Galereyasında açıldı raametli resimciykanın Olga UNGURÄNUnun anılması için bir sergi, neredä toplu Canabisinin 40 taanä resimi.

Serginin açılışında pay aldılar Olga UNGURÄNUnun yakınnarı, dostları, kolegaları hem üürencileri, angıları toplandılar anmaa deyni bu vergili insanı hep taa bir kerä mayıl olmaa onun yaratmalarına.

Candan laflarını raametli resimciyka için söledilär Gagauziya kultura Upravleniyasının Başının yardımcısı Aleksey KARATERZİ, animalist-resimci Konstantin KELEŞ, resimciyka Anastasiya RAKOVÇEN, Gagauziya Radio hem Televideniye kompaniyasının rejisöru Yuriy GLEKOV hem başkaları.

Eridir urgulamaa, ani Gagauziyanın Regional resim Galereyasının 2006-cı yılda açılışından beeri Olga UNGURÄNU 10 yıl sıravardı bu galereyanın direktoru işledi hem burada resimcilerin çok sergilerini hazırladı. Uzun zaman Canabisi, üüredici olarak, işledi Komrat Dimitri SAVASTİN uşak resimci şkolasında.

Raametli Olga UNGURÄNUnun resim sergi açık olacek 2021-ci yılın Kırım ayın (dekabri) 21-dän.

Topracıı ilin olsun!

ungureanu_3Foto: kultura-ge.md

BİR CUVAP YAZIN