danç_evropa_1

30.08.2023, tarafından yazılı , CÜMNE, SPORT BÖLÜMÜ, 244 KERÄ BAKILMIŞ

Radiokomandalı eroplan modellerin havada serbest düüşündä Evropa Çempionatı

Harman ayın (avgust) 15-20 günnerindä  Sloveniya devletindä oldu “Radiokomandalı eroplan modellerin havada serbest düüşündä Evropa Çempionatı”, neredä pay aldı Moldovanın baamsız birleşik komandası da, angısı “Moldova – bizim Vatanımız” lozungu altında kahramannıını gösterdi.

Yarışmalar oldular 1:8 hem 1:12 maştabında yapılı olan I-ci hem II-ci Dünnää cenklerindä pay alan aeroplannarının modellerinnän.

“Moldova – bizim Vatanımız” lozungu altında kahramannıını gösterän Moldovadan pilotların arasında vardı anılmış gagauz adamı, dokror Aleksandr DANÇ ta, angısı, nicä dä onun komanda dostları, serbest vakıdını hem canını bu işä baaşlêêr. Söz gelişi, Canabisi bu Çempionatta, 56 pilotun arasında, becerdi 13-cü kazanmaa.

Baş patrettä: Moldovayı dünneyä tanıdan Moldovadan pilotların ortak komandası (soldan): Valeriy KETRUŞKİN, Anatoliy TATROV, Pötr HAMURARİ, Konstantin KERDİVARA, Yuriy GAMURARİ, Aleksandr DANÇ hem İgor BEREKET.
danç_evropa-2_1 danç_evropa-3_1

BİR CUVAP YAZIN