Gagauziyada konsultativ hem zakonnu Referenduma arka olmaa deyni durmamayca mitinglar hem kasabalarlan küülerin toplamtıları geçer.
Büük ayın 18-dä Komratta, Büük ayın 19-da Çadırda, Büük ayın 20-26 günnerindä Aydarda, Başküüyündä, Çöşmäküüündä, Komratta, Valkaneştä. Büük ayın 26-da büük miting oldu Komratdın büük meydanında.
Herbir küü hem kasaba karar aldı Küçük ayın 2-dä “Gagauziya halkın dış yolunu kendibaşına seçmä hakkın kalınmış statusu için” hem Tamojnä Birliinä girmää “Gagauziyada konsultatif Referendumu yapmak için” soruşlara konsultativ hem zakonnu Referendumda cuvap vermää.
Mitinglara hem toplantılara katılan insannar bir aazlan sölerleer, ani 2014-cü yılın Küşük ayın 2-dä referendumu yapmaa lääzım. Onnar urgulêêrlar, ani Moldova lääzım Rusiya, Belorusiya hem Kazahstan Tamojnä Birliinä girmää deyni Referendum yapsın. İnsannar isteerlär, ani Moldovanın kuvetleri vazgeçsinnär gagauzlara Referendum uurunda baskı yapmaktan.
Büük ayın 26-da büük Komratta mitinga katılan musaafirlär Besarabka, Taraklı, Kaul rayonnarından hem Belţ kasabasından açıkladılar, ani bu rayonnarın hem kasabanın insannaarı da Tamojnä Birliinä girmää deyni Referenduma hazır.
Mitingçılar urguladılar, ani Gagauziya bu Referendumnan Moldovanın devletliini korumaa deyni çalışêr.
Foto – gagauzinfo.md
