2026-cı yılın Çiçek ayın 8-dä Avdarma küüyün istoriyası muzeyindä andılar bu yıl 80-ci kara yıldönümü tamamnanan Sovet rejimın tarafından 1946-1947 yıllarda gagauzlara karşı zorlan yapılan aaçlıın kurbannarını.
Bu yaslı anma sırasında pay aldılar sıradan insannar, aaraştırmacılar hem bilim insannarı, muzeycilär, erindeki hem merkez kuvetlerin temsilcileri, üüredicilär hem üürencilär.
Yas sırasından sora hepsi yollandılar küüyün “Acı köşesi” Memorialına, neredä Aaçlıın kurbannarın anmak taşlarına çiçek koyuldu. Bundan sora da yapıldı “Moldova SSRında aaçlıın (1946-1947) başlama gününün 80-ci yılı: anmak, büünkü aaraştırmalar hem geçmişin urokları” adlı bilim konferențiyası.
