Baba Marta ayın 31-dä hem Çiçek ayın (aprel) 1-dä Çadırın kultura Evindä olacek Gagauziyanın «Svobodnaya sţena» IV-cü teatru Festivali, angısı baaşlanêr Bütündünnä teatru gününä (bakılêr Baba Marta ayın 27-dä).
Festivaldä pay alaceklar teatrular Moldovadan, Gagauziyadan hem Türkiyedän, angıları gösterceklär spektaklileri türkçä, gagauzça, rusça hem bulgarca.
FESTİVALİN PROGRAMASI
Baba Marta ayın 31-ri
18:00 – spektakli “Leglo na trima” (“Üç kişiyä bir pat”, avtor – dramaturg Orlin Dyakov), gösterer Taraklıdan “Smeşen petyk” bulgar halk teatrusu.
Çiçek ayın (aprel) 1-ri
11:00 – uşaklar için spektakli “Gde raki zimuyut” (“Neredä engeçlär kışlêêr”, avtor – dramaturg İon Ambrosi), gösterer Kişinevdan “Malış Julyen” uşak teatrusu.
15:00 – uşaklar için masal spektakli “Keloğlan sevgi yolunda” (avtor – dramaturg Gürkan Çelebi), gösterer Türkiyenin Mersin kasabasının teatrusu.
18:00 – uşaklar için masal spektakli “Yalan detektoru” (avtor – dramaturg V. Sigarev), gösterer Komrat “Saveliy KÖSÄ” adına muniţipiy muzıka hem drama teatrusu.
