baskan_serbest_gures (1)

18.03.2024, tarafından yazılı , CÜMNE, SPORT BÖLÜMÜ, 160 KERÄ BAKILMIŞ

Taa bir Başkan Kuboo – bu kerä serbest güreştä!

Gagauziyanın serbest güreştä “Boz kurt” klubun öndercesinin, Moldova Respublikasının güreştä  kıymetli trenerın hem Halk Topluşu deputatın Nikolay DUDOGLUnun teklifinä görä, Gagauziya Başkankası kurdu serbest güreştä kendi Kuboona turnirı.

Bu Gagauziyada seftä geçän “Serbest güreştä Başkan Kuboo”na turnir, neredä pay aldılar Gagauziyadan hem komşu rayonnarından güreşçilär da, iki alaya bölünüp, Gagauziya hem Moldova karma komandaları olarak, onbir aarlık kategoriyasında yarıştılar. Sonunda karma komandalar 5:5 denk geldilär. Bu üzerä, sansın bilärmişlär nicä turnir bitecek, iki komandaya da öncedän hazırlanmış birär “Serbest güreştä Başkan Kubok”ları verildi.

Turnirdä, siiredici olarak, vardılar Gagauziya Başkankası Evgeniya GUȚUL, Gagauziya Halk Topluşun Başı Dimitriy KONSTANTİNOV, Gagauziya Halk Topluşun deputatları, İspolkom azaları h. b.
baskan_serbest_gures (2) baskan_serbest_gures (3) baskan_serbest_gures (4)

Patretlär: Gagauziya Başkankasının Evgeniya GUȚULun facebook syafasından

BİR CUVAP YAZIN