Taekwondo (3)

31.01.2024, tarafından yazılı , CÜMNE, SPORT BÖLÜMÜ, 86 KERÄ BAKILMIŞ

Taekwondo sportsmennarını üüretmä hem gelişmä lagerı

Gagauziyada geçti “Taekwondo sportsmennarını üüretmä hem gelişmä lagerı”, nereyi katıldılar Moldovadan, Gagauziyadan hem Türkiyedän 150-dän seedä sportçu hem trener.

Komradın regional sport kompleksında geçän bu “Taekwondo sportsmennarını üüretmä hem gelişmä lagerı”n patronatları oldular Türkiye Gagauziya Komrat Başkonsuluu hem Türkiyenin Taekwondo federațiyası.

Türkiyenin delegațiyasında vardı 20 taekwondo sportsmenı, komandanın başkanı Ümit AL, Türkiyenin Taekwondo federațiyasının teknik direktoru Sedat ATILGAN hem trener Cengiz ANGIN.

Lagerın uurlarından biriydi dä – sportçuların taekwondoda gelecek Evropa hem Dünnää çempionatlarına hazırlanması.

“Taekwondo sportsmennarını üüretmä hem gelişmä lagerı”n açılışında pay aldılar Gagauziya Başkankası Evgeniya GUȚUL hem Türkiye Gagauziya Komrat Başkonsulu Adnan HAYAL.
Taekwondo (4) Taekwondo (5)

BİR CUVAP YAZIN