Türkiye Respublikası kuruluşun 101-ci yıldönümünnän ilgili olarak, Canavar ayın (oktäbri) 29-da Türkiye Kişinev Büükelçisi Uygar Mustafa SERTEL hem onun eşi Özlem SERTEL Türkiye Milli Günü reçepțiyası verdilär hem orayı buyur ettilär Moldovanın politikacılarını, Kişinevda bulunan yabancı devletlerin büükelçilerini hem diplomatiya misiyaların başlarını, kultura hem cümne insannarını.
Reçepțiya sırası başladı Türkiye Respublikasının hem Moldova Respublikasının Gimnalarınnan. Nedän sora Büükelçi Uygar Mustafa SERTEL, reçepțiyeyä gelän hepsi musaafirleri Türkiye Respublikasının kuruluşunun 101-ci yıldönümünnän kutladı hem onnarın önündä nasaat etti. Bundan sora Canabisi okudu Türkiye Respublikası Prezidentı Recep Tayyip ERDOĞANın Türkiye Respublikası kuruluşun 101-ci yıldönümünnän ilgili yortulu mesajını.
Moldova tarafından kutlama sözünnän reçepțiyaya katılannara danıştı Moldovanın dışişleri hem Evropaya integrațiya ministerliin ministrusu Mihay PAPUŞOY.
Reçepțiyanın ofițial payı ilerledi kultura programasınnan, angısında Moldovanın anılmış artistı Konstantin MOSKOVİÇ, “Kişinêu” orkestrasınnan, çaldı türk milli havalarını.
Adetä görä, reçepțiyaya katılannara deyni, Türk Hava Yolları tarafından İstanbula iki uçak bileti lotoreyası yapıldı.
Reçepțiyanın ofițial payı bittiynän, hepsi gözäl türk imeklerinnän hem tatlılıklarınnan ikram edildilär.
