Moldova dışişleri hem Evropaya integraţiya ministerlii bildirdi, ani Türkiye Respublikası tanıdı Moldova Respublikası kompetent organnarı tarafından verilän COVID-19-dan imunizațiya için milli sertifikatlarını.
Bu iş verer kolayını vakținațiya geçän Moldova vatandaşlarına hem Moldovada zakonca yaşayan başka kişilerä, Tirkiyeyä girişindä, COVID-19-dan imunizațiya için milli sertifikatlarını gösterdiktän sora, “Polimeraz sincirlemä reakțiyasına” (PSR) testı yapmasınnar hem lääzımnı vakıda izoläțiyada kalmasınnar. Bu proțedura geçerli hepsi vakținalar için, angıları iki devletin milli uurunda tanındılar.
Gruziya, Ukrayna hem Vengriya devletlerindän sora Türkiye Respublikası oldu dördüncü memleket, angısınnan Moldova Respublikası, diplomatiya notalarınnan diişmäk yolunu kullanarak, vakținațiya için milli sertifikatların karşılıklı tanınması için ikili annaşmaya varmaa.
