Canavar ayın (oktäbri) 10-da sabaalen saat 10 dolayında Ankaranın “”Sıhhiye Meydanı”nda demir yolu garasının önündä üç sekund arası iki patlama biri-biri ardı oldu, bildirer Türkiyenin Anadolu Ajansı.
Patlamalar oldu taman ozaman, açan burada lääzımdı başlasın cengä karşı miting. Mitingı hazırladılar profsoyuzlar, onuştan garanın önündä toplandıydılar devlet zaametçileri hem gençlik kuruluşların azaları.
Bu saatta belli oldu, ani bombaların patlamasında 97 insan canını kaybetti, yaralıların sayısı da 400 kişiyi geçti.
Teror saldırılarında raametli olan poliţiya, asker hem sıradan insannarın anılması için Türkiyede 3 gün milli yas tutulacek.
Bu kabaatsız kaybelän cannarı Allaa yaanına kabletsin. Cannarı raametli olsun. Topracıkları ilin olsun. Diri kalan yaralı insannar da alışsın.
Türkiye, biz da redakţiyamız hem insan olarak, bu kahırı, sancıları hem acıları sizinnän paylaşêrız. Başın sağolsun.
Foto – aa.com.tr
