Orak ayın (iyül) 15-dä Türkiyedä 15 Temmuz “Demokratiya hem Milli Birlik Günü”nän ilgili olarak Türkiye Kişinev Büükelçiliindä, sora da Gagauziyanın Çadır kasabasında kurulan 15 Temmuz şehitlerinä anmak nışan taşın yanında anma sıraları yapıldı.
Türkiye Kişinev Büükelçiliindä anma sırasına, başta Türkiye Kişinöv Büükelçisi Uygar Mustafa SERTEL hem TC Kişinev Büükelçiliin diplomatları, anma sırasına maasuz Türkiyedän gelän gelän 15 Temmuz şehitlerin aylelerindän insannar, Türk İşbirlii hem Koordinaţiya Agenstvosu (TİKA) Kişinöv ofisin koordinatoru hem zaametçileri, türk iş adamnaraı, akademik hem gagauz yazıcısı Todur ZANET hem başka insannar katıldılar.
Çadır kasabasının 15 Temmuz şehitlerinä anmak nışan taşın yanında yapılan anma sırasına sa, Türkiye Kişinöv Büükelçisi Uygar Mustafa SERTEL hem TC Kişinev Büükelçiliin diplomatları, Komrat Türkiye Respublikasının Başkonsulu Eda GÜÇ hem Başkonsulluun diplomatları, 15 Temmuz şehitlerin aylelerindän insannar, TİKA Kişinöv ofisin koordinatoru Murat ZELAN hem zaametçileri, Gagauziya İspolkomu Predsedatelin yardımcısı İlya UZUN hem İspolkomun azaları, Gagauziya Halk Topluşu Başı Valentin GAYDARCI hem GHT deputatları, Çadır, Valkaneş, Dizgincä hem başka erlerin primarları, Çadır hem Valkaneş rayon administrațiya azaları, Akademik Todur ZANET hem başka insannar.
15 Temmuz şehitlerinä anmak nışan taşın yanında yapılan anma sırasında saygı duruşundan hem Türkiye, Moldova hem Gagauziya Gimnaların çalınmasından sora, söz tuttu Türkiye Kişinöv Büükelçisi Uygar Mustafa SERTEL.
Nedän sora da anmak nışanına çiçeklär koyuldu hem anma aylä patretleri yapıldı.
Hem Türkiye Kişinöv Büükelçiindä hem dä Çadır kasabasının 15 Temmuz şehitlerini anmak sırasında 2016 yılın 15 Temmuz gecesi olaylarınnan ilgili patret sergileri düzennendi.
