Başlayıp Çiçek ayın (aprel) 17-dän, üç gün sıravardı Gagauziyanın Valkaneş rayonunun Ütülü küüyündän Komratta maasuz hazırlanan bolnițaya eni tip koronavirus şüpesinnän 5 kişi getirdilär. Onnarda hepsindä COVID-19 analizi pozitiv çıktı.
Nicä bildirdi Gagauziyanın saalıı koruma Upravleniyasının başı Svetlana DULEVA, hepsi eni ulaşanar bir şarap fabrikasının zaametçileri. Bu fabrikada işleer 200 kişi. Onnarın yarısı Valkaneştän, Çeşmä küüyündän hem Ütülü küüyündän insannar.
Epidemiolog vraçları sayêrlar, ani bu eni tip koronavirus patlamasının sebepi var nicä olsun o, ani şarap fabrikasında yapılmış 35 kişilik bir toplantı, neredä pay almışlar Hınçeşti hem Kişinevun dolayında yaşayan insannar da.
Şindilik şarap gabrikası karantinä alındı.
Anaktar sözlär : COVID-19, Gagauziya, komrat, koronavirus, Moldova
