Harman ayın 17-dä Ankarada son yoluna uurlandı büük dostumuz, Türk birlii, barabarlıı hem literaturaylan kulturamız için canını verän Avrasya Yazarlar Birlii Genel Başkanı Dr. Yakup ÖMEROĞLU.
Aramızdan vakıtsız hem ansızdan ayırılan Avrasya Yazarlar Birlii Genel Başkanı Dr. Yakup ÖMEROĞLUnun ölüsünün kaldırılması Ankara Hacı Bayram Veli Camisindä yapıldı hem burada, onu son yoluna geçirmää deyni sayısız insan toplandı.
Dr. Yakup ÖMEROĞLUnun aylesinä acızgannıını bildirmäk için hem Canabisinä bitki saygılarını vermää deyni ölüyü kaldırma sırasına geldilär onun dostları, yazıcılar, kultura hem devlet adamnarı, politikacılar, bakannar (ministrular) hem millet vekilleri (deputatlar), rektorlar hem profesorlar, sıradan insannar, angıların arasında vardılar 22. Dönem TBMM Başkanı Bülent ARINÇ, Türkiye kulrura hem turizma Bakan Yardımcısı Dr. Serdar ÇAM, TİKA Başkan Yardımcısı Dr. Mahmut ÇEVİK, TÜRKSOY Genel sekretar Yardımcısı Sayit YUSUF, taa çok-çok insannar Türkiyedän, Balkannardan hem Orta Aziyadan.
Dr. Yakup ÖMEROĞLUnun topracıı ilin olsun! Allaa onu saa yanına kabletsin!
Todur ZANET
