Çiçek ayın (aprel) 9-da Kişinevun Çokana sudun kararınnan Gagauziya Başkankası Evgeniya GUȚUL Kişinevun № 13 kapanından 30 gün ev arestına geçirildi.
Bakmadaan, ani prokurorlar istedilär Gagauziya Başkankası Evgeniya GUȚULun Kişinevun № 13 kapanında kapalı olmasını taa 30 günä uzaltmaa, Kişinevun Çokana sudu, esaba alarak Canabisinin advokatının Sercu MORARUnun sözlerini, Evgeniya GUȚULu 30 gün ev arestına geçirdi.
Büünkü sud çekettiynän, Evgeniya GUȚUL danıştı davacılara tekliflän, ani sudu cümneyä açık yapmaa. Canabisi dedi: “Sudun toplantısının açık olmasını isteerim. Bendä saklı hiç bişey yok hem isteerim, ani insannar aslısını bilsinnär”.
Sud gidärkänä, Çokana sudun önündä protet mitingi oldu hem orada Başkanın taraftarları Canabisindän yanı lozunglar baardılar.
