Gagauziya üüredicilik Upravleniyasının teklifinä görä, Gagauziya İspolkomun 08.04.2025 günündän kararınnan avtonomiyamızın üüredicilik kuruluşlarında üüredicilik aftaları “KULTURAYA HEM İSTORİYAYA SAYGI” patriotika lineykalarından başlayacıklar.
“KULTURAYA HEM İSTORİYAYA SAYGI” patriotika lineykaların baş neeti – üürencilerdä kendi Vatanına, onun kultura varlıına, dilinä hem istoriyasına saygı hem sevgi haşlamak.
İspolkomun Kararında belertili angı günnerdä lineykalar olacek hem o lineykaların uuru:
Çiçek ayın (aprel) 14-dä – “Vatana sevgiylän”;
Çiçek ayın (aprel) 29-da – “Dil – halkın canıdır” (baaşlanêêr gagauz dili yazısının “Ana Dili” Gününä);
Hederlez ayın (may) 5-dä – “Yıllar aşırı – hodulluklan!” (baaşlanêr Vatan Cengindä Büük Enseyişin 80-ci yıldönümünä);
Hederlez ayın (may) 12-dä – “Kahramannarı zaman ayırêr” (vatandaşlarımızın kahramannıı için);
Hederlez ayın (may) 19-da – “”Ana topraana sevgiylän: tabiatı koru!”
Lineykalarda olacek:
– Moldova Respublikasının hem Gagauziyanın Gimnaların çalınması;
– Lineyka erlerinin devlet simvollarınnan tertiplenmesi – Moldova hem Gagauziya Bayrakları;
– Önemni temaların incelemesi – istoriya hem dildän taa ekologiya hem cümne paalılıkları kadaradan.
