DSC03527

26.02.2019, tarafından yazılı , CÜMNE BÖLÜMÜ, 317 KERÄ BAKILMIŞ

Azerbaycan halkının Hocalı genoțidın 27-ci yas yılı bakıldı

Küçük ayın 26-dä Moldovanın etnikalararası Bürosunda oldu Azerbaycan halkının Hocalı genoțidın 27-ci yas yılı anılma sırası, angısını hazırladı Moldovada Azerbaycan Büükelçilii hem Moldovada azerbaycannılar Kongresi.
DSC03554

Anmak sırası başladı ayakta bir susmak minudundan, angısında anıldı o uzak 1992-ci yılın Küçük ayın 25-26 gecesi hem 26 günü olan tragediya. Ozaman armän silählı bölükleri, Hankendi kasabasında erleşmiş olan SSSRın 366-cı polkunun yardımınnan, dört taraftan urdular Hocalı kasabasına. Țivil azerbaycannar sabaalän çıktılar düz erlerä da orada onnarı armännar bir amansız avtomatik silählardan biçtilär. Brakmadaan diri ne karıları, ne uşakları, ne ihtärları. Kıyıldı 613 can. Onnarın içindä: 106 karı, 70 adam, 63 uşak. 1275 kişi da esir alındı.
DSC03522

Yas sırasında pay aldılar hem söz tuttular Moldovada Azerbaycanın Büükelçisi Gudsi Dursun oglu OSMANOV, Türkiye Kişinev Büükelçisi Gürol SÖKMENSÜER, Moldovanın etnikalararası Bürosunun başı Oleg BABENKO, Azerbaycandan hem Gruziyadan deputatlar, Moldovada azerbaycannılar Kongresinin başı Vugar NOVRUZOV, yurist Aureliya GRİGORİU, yazıcı Todur ZANET, jurnalist Robert ZAPADİNSKİY hem başkaları.
DSC03546

Anmak sırasında Hocalı genoțidı için gösterildi bir dokumental film hem burayı katılan insannar tanıştılar foto sergisinnän, ani annadardı o büük tragediya için.

BİR CUVAP YAZIN