mardar_

28.08.2020, tarafından yazılı , CÜMNE, SPORT BÖLÜMÜ, 93 KERÄ BAKILMIŞ

Gagauz Pötr, MARDAR Gagauz Respublikası için, lisapetlän 1450 km geçti

Gagauz Pötr MARDAR, Gagauz Respublikasının 30-cu yıldönümünä büük bir baaşış yaptı – Çehiyanın başkasabasından Gagauziyayadan 19 gündä 1450 km lisapetlän geçti. Praga kasabasından çıkaceykana Pötr MARDAR yazdı internetta: «19 августа 1990 году была провозглашена Гагаузкая Республика! 1-го августа выдвигаюсь из Праги (Чешская Республика) в Комрат, в столицу Гагаузии. Приурочу спортивно-патриотическую акцию к 30-летию со дня провозглашения Гагаузкой Республики, 19-го августа 1990 года».

2020-ci yılın Harman ayın (avgust) 1-dä Pragadan yollanıp, Pötr MORDAR 16-nda Moldova granițasına etişti, gelip ilktän Kaula, ama orada tamojnä kapalı olduu için, Curculeştı tamojnä kapusuna döndü, neredä onu anasınnan-bobası karşladılar.

Gagauziyanın Çöşmä küüyü hem Ütülü küülerinän geçip, Pötr MORDAR geldi Valkaneşä, neredä onu karşladı kasabanın primarı Viktor PETRİOGLU.

Genä yola yollanıp o geldi Kazayak küüyünä, neredä buluştu Gagauziyanın güreştä anılmış trenerınnan Pötr UZUNnan hem geceledi sport zalında.

Ertesi günü Pötr MORDAR geldi Çadır kasabasının “At-Prolin” at fermasına. Orada onu karşladı fermanın direktoru Konstantin KELEŞ, gösterip fermayı hem verip kolayını bir atta atlı gezinmää.

Sora Pötr MORDAR buluştu Çadır kasabasından Gagauz Respublikasının kurucu veterannarınnan da buradan yollandı ana kasabasına – Komrata.

Komrat ta karşladı onu büük sevinmeliklän da, gagauz patriotların Leınid DOBROVun hem Mihail VLAHın teklifinä görä, verdi ona ad – “Komrat munițipiyin kıymetli insanı”.

Not. Pötr MARDAR duudu Gagauziyada, dzüdo hem sambo güreşlerindä Dünnää hem Evropa çempionatlarında pay aldı, Moldova Respublikasının dzüdo güreşindä 5 kerä çempionu hem çok kerä prizörü oldu, dzüdo hem sambo güreşlerindä sport masterlıına kandidat.

BİR CUVAP YAZIN