elena_kilcik

12.04.2021, tarafından yazılı , CÜMNE, SPORT BÖLÜMÜ, 522 KERÄ BAKILMIŞ

Gagauziya sportsmenkası Elena KILÇIK Evropa çempionatında gümüş aldı

Çiçek ayın (aprel) 11-dän Moskvada geçän aar atletikada Evropa çempionatında, Moldova komandasınnan yarışa katılan Gagauziya sportsmenkası Elena KILÇIK 87 kilaya kadar kategoriyasında  gümüş medaliyi kazandı.

Bu kategoriyada, 246 kg (koparma – 108 kg + itirmä – 138 kg) kaldırıp, çempionka oldu Rusiyadan sportsmenka Darya AHMEROVA. Gümüş medalinin saabiykasında Elena KILÇIKta – 245 kg (koparma – 107 kg + itirmä – 138 kg). Bronzayı alan ruskada Darya RAZANOVAda – 240 kg (koparma – 105 kg + itirmä – 135 kg).

Lääzım urgulamaa, ani büük gümüş medaliyi kabletmää deyni, Elena KILÇIK ilktän kazamdı iki küçük medali: küçük altın medalisini koparmada – 107 kg hem küçük bronza medalisini itirmedä – 138 kg.

Hep bu çempionatta adamnar kullu tarafından Moldova sportsemennarı Marin ROBU (73 kilaya kadar kategoriyasında), koparmada hem itirmedä 339 kg kaldırıp, gümüş medaliyi kazandı. Daniel LUNGU (55 kilaya kadar kategoriyasında) da koparmada küçük altın medalisini kazandı.

Moskvada geçän aar atletikada Evropa çempionatında pay aldılar 42 memlekettän sportsmennar.

BİR CUVAP YAZIN