muzika_tatarstan_1

17.09.2016, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 761 KERÄ BAKILMIŞ

Tatarstandan Gagauziyaya muzıka instrumentları baaşlandı

Ceviz ayın (sentäbri) 16-da Komrat kasabasının Kultura Evin sţenasında Rusiya Federaţiyasının Tatarstan Respublikasından Gagauziyanın muzıka kolektivlarına 5 milion rubli paasında muzıka instrumentları hem ses aparaturası baaşlandı.

Baaşlama sırasında pay aldılar Moldovada Rusiya Büükelçisi Farit MUHAMETŞİN, Gagauziya Başkanı İrina VLAH hem Tatarstan Respublikasının kultura ministrusunun yardımcısı Güzel ŞARİPOVA.
muzika_tatarstan_3

Gagauziyanın kultura hem turizma Upravleniyasının kararına görä baaşışlar bölä payedildi:

- instrumentların karışık küçük takımı – Gagauziya Başkanın orkestrasına hem “Düz Ava” türkü hem oyun ansamblisinä;

- akordeon, klarnet hem bir truba – Çadırın “Kadınca” halk muzıkası orkestrasına;

- akordeon hem bir truba – Valkaneş “Gagauzlar” türkü hem oyun ansamblisinä;

- akordeon hem fortopyano – Komrat “Mihail ÇAKİR” adına koleca;

- ikişär kemençä – Avdarma, Çöşmä küüyü hem Kongaz muzıka şkolalarına;

- bayan hem germoni – Çadır muzıka şkolasına;

- fleyta hem elektornika pianinosu – Valkaneş muzıka şkolasına;

- ses aparaturası – Gagauziyanın kultura hem turizma Upravleniyasına.
muzika_tatarstan_2

Baaşışları vermäk sırasından sora küçük bir konţert gösterildi. O konţerttä gagauz çalgıcıları eni instrumentların denemesini yaptılar.

Fotolar – gagauzia.md

BİR CUVAP YAZIN