Son beş yılın içindä Moldova Respublikası tarafından Gagauziyaya korkunç baskılar yapılması üzerinä, Gagauziyayı korumak için, Gagauziyada «Платформа «111»» (“111” Platforması) adlı bir cümne kuruluşu kuruldu, angısı kendi kanadı altında topladı Gagauziyayı kuran veterannarı hem eni boy genç cümne hem politika insannarını.
Nicä açıklandı ““111” Platforması”nın baş neeti – Gagauziya (Gagauz Yeri) özel hak statusun, onun kuvetlerinin hem konstituțiyalı haklarının korunması.
““111” Platforması” cümne kuruluşun adı doorudan dayanêr Moldova Konstituțiyasının 111-ci statyasına – “Gagauziya Avtonom-Teretorial Bölgesi”, angısına görä Moldovada temelleştirilidi hem korunêr “Gagauziya (Gagauz Yeri) özel hak statusu”.
Konstituțiyanın 111-ci statyasının 1-ci bölümündä doorudan yazılı: “(1) Găgăuzia este o unitate teritorială autonomă cu un statut special care, fiind o formă de autodeterminare a găgăuzilor, este parte integrantă şi inalienabilă a Republicii Moldova şi soluţionează de sine stătător, în limitele competenţei sale, potrivit prevederilor Constituţiei Republicii Moldova, în interesul întregii populaţii, problemele cu caracter politic, economic şi cultural” [«(1) Гагаузия — это автономно-территориальное образование с особым статусом как форма самоопределения гагаузов, являющееся составной и неотъемлемой частью Республики Молдова, которое самостоятельно, в пределах своей компетенции, в соответствии с положениями Конституции Республики Молдова, решает вопросы политического, экономического и культурного характера в интересах всего населения»; “(1) Gagauziya – bu özel hak statusuna saabi olan bir avtonom-teretorial bölgesi, gagauzların kendibaşınalık bir biçimi, angısı Moldova Respublikasının bölünmäz bir parçasıdır, ani ona verilän kompetențiyada, Moldova Konstituțiyası temellerinä görä, bütün insannar için kendi başına çözer politika, ekonomika hem kultura uurunda soruşları”].
Pek meraklı Konstituțiyanın 111-ci statyasının 7-ci bölümü dä: “(7) Legea organică care reglementează statutul special al unităţii teritoriale autonome Găgăuzia poate fi modificată cu votul a trei cincimi din numărul deputaţilor aleşi în Parlament” [«(7) Изменения в органический закон, регламентирующий особый статус автономно-территориального образования Гагаузия, принимаются тремя пятыми голосов избранных депутатов Парламента»; “(7) Gagauziya avtonom-teretorial bölgesinin özel hak statusunu düzenneyän sıradan Zakonuna diiştirmeklär Parlamenta seçilmiş deputatların 3/5 oylarınnan kablediler”].
Bu statyaları burada maasuz yazdık, çünkü iş gider ona, ani pek yakın zamanda onnar ya diiştirilecek, ya da nesteyä atılacek. Pek önemni 3/5 oylarınnan, ani 61 seslän. Bu țifraları pek islää tutunuz aklınızda.
Geçennerdä yapılan toplantıda ““111” Platforması” cümne kuruluşun azaları açıkladılar, ani onnarın en yakın daavası – Gagauziyada Halk Topluşuna seçimneri açıktan, dooru hem, Gagauziya kurallarına görä, zakonnu yapmaa, Gagauziyayı baamsız hem dä tarafsız Moldova içindä korumaa. Çünkü, nicä açıklandı toplantıda “Moldovanın merkez kuvetleri, Gagauziyaya ortadan kaldırmak için, Gagauziyaya karşı büünkü günädän benzerisi olmayan bir baskı uyguladılar”. Bu durumda ““111” Platforması” ortaya bu sloganı attı: “Gagauziyayı birliktä koruyalım!”
