2018-ci yılın Kırım ayın (dekabri) 18-dä Türkiyenin Kastamonu kasabasında olan TÜRKSOY dayma Konseyin 36-cı dönem toplantısında alındı karar, ani Türk dünnäsınin 2019 yılı kultura başkasabası Kırgızistanın Oş kasabası olacek.
TÜRKSOY dayma Konseyin 36-cı dönem toplantısında geçän “Türk dünnäsının 2019 yılı kultura başkasabası” çerçevesindä yapılan bütün sıraları inceledilär hem eni yılda Oş kasabasında yapılacek kultura işlerini kantara attılar.
Bundan kaare, TÜRKSOY dayma Konseyin kararınnan, 2019-cu yıl sayılacek
büük Azerbaycan poetın İmaddedin NESİMİnin duumasının 650 yılına “İmaddedin NESİMİ anmak yılı” hem anılmış Ozan[1] Aşık VEYSELin duumasının 125 yılına “Aşık VEYSEL anma yılı”.
TÜRKSOY dayma Konseyin 36-cı dönem toplantısı çerçevesindä “TÜRKSOY foto sergisi” hem 5-ci Halklararası Kaşgarlı Mahmut proza yarışmasına katılan yazıcılar için Ödül sırası da yapıldı.
