Kırım ayın (dekabri) 22-dä Komradın Kultura Evindä toplandılar gagauz avtonomiyasının veterannarı, büünkü öndercileri hem izmetçileri, Moldovadan hem aşırıdan şannı musaafirlär, Türkiye Kişinev Büükelçisi hem başka diplomatiya misiyaların temsilcileri.
Kutlama programası başladı bir dokumental kinodan, ani annadardı Gagauz Respublikasının hem Gagauziya (Gagauz Yeri) avtonomiyasının kurmasınnan ilgili 25-30 yıl geeri olan işleri.
Açtı toplantıyı Gagauziya Halk Topluşu Başı Vladimir KISSA. Sora söz verildi Gagauziya Başkanına İrina VLAHa.
Kendi bakışını avtonomiyaya annattılar Gagauziyanın ilk Başkanı Georgiy TABUNŞÇİK, Gagauziya Halk Topluşu ilk Başı Pötr PAŞALI, Gagauz Respublikası Üüsek Sovetin predsedateli Mihail KENDİGELÄN, Moldovanın eski prezidentı Pötr LUÇİNSKİY, Gagauz Respublikasının vițe-prezidentı Pötr BUZACI, Odesa kasabasından Yuriy DİMÇOGLU.
Toplantıda Türkiye Parlamanetın Türkiye-Moldova dostluk grupasının Başkanı Mehmet ALTAY, okudu gagauz halkına Türkiye Parlamentının kutlama mesajını.
Toplantıdan sora oldu gagauz artistlerin kısa bir konțertı.
Patretlär: gagauzinfo.md
