Eni tip koronavirus belasına karşı koymakra Türkiyedän gelän yardımnar erlerinä etişti, hem medițina ekipirovkası hem da iyecek hem gigiena malları.
Zorluk çekän aylelär verilän iyecek hem gigiena malları yardımı büük sevinmeliklän kabledildi. İnsannar candan-ürektän şükür ettilär hem Türkiye Respublikasına hem da TİKAya, ani unutmadılar onnarı bu zor vakıtta.
Yardımı kabledän 90 yaşında bir karıylan lafedärkänä, Canabisi dedi: “Oolum, ne mutlu bu insannarın canına, ani bölä zor vakıtta, taa neredän, Turțiyadan, unutmamışlar bizi, uzattılar bu yardım elini. Saa olsunnar! Allaa onnarı da brakmasın!”
Todur ZANET
