Kirez ayın 15-dä Azerbaycanın Şuşa kasabasında Türkiye Respublikası Prezidentı Recep Tayyip ERDOĞAN hem Azerbaycan Respublikası Prezidentı İlham ALİEV iki dost hem kardaş devletleri arasında Birlik ilişkileri için “Şuşa Beyannamesi” (“Şuşa Deklarațiyası”) imzladılar.
Şuşa Deklarațiyasının imzalanmasından sora, Azerbaycan Respublikası Prezidentı İlham ALİEV açıkladı, ani Deklarațiaya iki devletin Birlik ilişkilerini en üüsek uura koyêr hem geçteki Karabah cengindä hem Azerbaycan topraklarının Armeniya baskısı altından kurtarmakta Türkiyenin en üüsek yardım rolünü urgulêêr.
Bundan kaarä Deklarațiaya alêr içinä ölä önemni soruşları, nicä halklararası, politika, ekonomika, alış-veriş, kultura, üüredicilik, sport, energetika güvennii uurlarında işbirliini hem Üülen gaz koridorun maanasını.
Ayırı bir er Deklarațiayada kaplêêr korunmak industriyasında işbirlii hem, lääzım olursa, biri-birinä asker yardımın yapılması.
Kendi tarafından Türkiye Respublikası Prezidentı Recep Tayyip ERDOĞAN açıkladı, ani bu Deklarațiya iki dost hem kardaş devletlerini biri-birlerinä taa yakın yapêr hem, ani bu Deklarațiya üz yıl geeri, 1921-ci yılın Canavar ayın 13-dä, kabledilän “Kars Annaşması”nın ilerlemesidir.
Recep Tayyip ERDOĞAN söledi, ani “Şuşa Beyannamesi”nin imzalanması bu istoriyalı başarılıı hem açıkladı, ki Türkiye Şuşa kasabasında Başkonsulluu açacek.
