28 yıl geeri, Amerika hem NATO tarafından bombalanan hem daadılan Yugoslaviyada büük bir genoțid (soykırımı) yaşandı – Srebrenitsa kasabasında hem dolayında 8 bin 372 boşnak kıyıldı. Bu kara olayın 28-ci yılı Orak ayın (iyül) 5-dä İstanbulda anıldı.
Türk İşbirlii hem Koordinaţiya Agenstvosu (TİKA) yardımınnan hazırlanan hem İstanbul Baacılar primariyası tarafından düzennenän bu Srebrenitsa Genoțidın (soykırımı) 28-ci yılı programasına çok insan katıldı. Katılannarın arsında vardılar Türk İşbirlii hem Koordinaţiya Agenstvosu (TİKA) Başkan Yardımcısı Dr. Mahmut ÇEVİK, Bosniya-Gerțeg Ankara Büükelçisi Adis ALAGİÇ, başka diplomatlar, çeşitli politikacılar, devlet hem sıradan adamnar.
Anmak sırasında “28.Yılında Srebrenitsa Soykırım Paneli” yapıldı hem “Bir ananın şarfı” sergisi açıldı.
