Kirez ayın (iyün) 15-dä Moldovanın Hınçeşti kasabasının “Manuc Bey” istoriya hem arhitektura kompleksında geçti duhovoy orkestraların “Manuc Beydä Fanfara Festivali, II-ci yapım”, angısını ortak hazırladılar Hınçeşti kasabasının rayon Soveti, Hınçeştinin Kultura hem turizma Upravleniyası, Hınçeşti rayonu Kultura evi hem Moldovanın “Material olmayan kultura varlıın korunması hem geliştirilmesi Merkezi” [Centrul Naţional de Conservare şi Promovare a Patrimoniului Cultural Imaterial (CNCPPCI)].
“Fanfara Festivali”ndä 12 duhovoy orkestra arasında Yuriy TARANENKO önderciliindä Gagauziya (Gagauz Yeri) Başkannık duhovoy orkestrası da pay aldı.
Festival başladı orkestraların paradınnan. Nedän sora herbir duhovoy orkestra, sțenadan kendi ustalıınıı gösterip, 5-şär hava çaldı. Havaların arasında vardılar halk, klasika, djaz hem estrada melodiyaları.
Söz gelişi, Gagauziya (Gagauz Yeri) Başkannık duhovoy orkestrası kuruldu 2015-ci yılda hem, Gagauziyanın devletlik hem başka önemni uurlarından kaarä, durmamayca respublikadakı hem halklararası festivallerdä hem yarışmalarda pay alıp, diil bir kerä oralarda Grand-Pri hem türlü prestijli ödülleri aldı.
