Ceviz ayın (sentäbri) 20-dä Ankaranın “Ulucanlar Cezaevi Müzeyi”ndä geçti Türkiyenin “Kızılelma Kadın Gençlik hem Çocuk Dernää” tarafından düzennenän “Kızılelma Türk Dünyası Üstün Hizmet Ödülü” vermä 1-ci sırası, neredä ödüllär saabilerini buldular.
“Kızılelma Türk Dünyası Üstün Hizmet Ödülü” vermä 1-ci sırasını açtı “Kızılelma Kadın Gençlik hem Çocuk Dernää”n Başkanı Yasemin MEYDAN, angısı bildirdi, ani ödül veriler Azerbaycan, Dou Türkistan, Gagauziya, Irak, Kazahstan, Kırgızistan, KKTC, Kosova hem Türkiye gibi devletlerdän 21 bilim hem kultura insanına.
Gagauziyadan “Kızılelma Türk Dünyası Üstün Hizmet Ödülü”nü kabletti Akademik Todur ZANET. Canabisi, önemni sebeplerä görä, Ankaraya gidämedii için, onun adına bu paalı Ödülü kabletti Ankara Gagauz dernään azası Sergey MANASTIRLI.
