Kasım ayın 16-da Komrat kasabasında geçti genç karı kulluu arasında voleybolda Gagauziya Koboona yarışmalar, angısında pay aldılar Gagauziyanın en kaavi üç komandası.
Voleybolda Gagauziya Koboona oynayan Çadır GSŞ (Gençlär sport şkolası), Kıpçak UGSŞ (Uşaklarlan gençlär sport şkolası) hem Komrat GSŞ (Gençlär sport şkolası) genç karı kulluu komandaları aralarında yarışmalar tur sistemasına görä yapıldı.
Birinci turda olynadılar Komrat GSŞ – Çadır GSŞ (1:3). İkinci turda çatıştılaar Kıpçak UGSŞ – Çadır GSŞ (3:0). Üçüncü turda Kıpçak UGSŞ ensedi Komrat GSŞ komandasını.
Oyunnara görä voleybolda Gagauziya Koboonu kazandılar Kıpçak Uşaklarlan gençlär sport şkolasının voleybolistkaları. İkinci oldu Çadır Gençlär sport şkolasının komandası. Üçüncü er dä – Komrat Gençlär sport şkolasında.
