Kırım ayın 18-dä Moldovada Türkiye Büükelçisi Mehmet Selim KARTAL 55 yaşını tamamnadı. Canabisinä uzun ömür, saalık, kısmet hem bereket dileeriz. Herzman bölä şen, aktiv hem çalışkan bir insan olsun.
Not. Mehmet Selim KARTAL duudu İstanbulda 1958-ci yılın Kırım ayın 18-dä. Hep burada erkeklär için liţeyi başardı. Sora, 1980-ci yılda, Ankarada politika bilgileri fakultetını bitirdi. 1983-cü yıldan beeri Türkiye Dışişleri Bakannıında çalışêr.
28 yılın içindä Türkiyenin çeşitli diplomatiya misiyalarında işledi: Dou Berlin’dä (GDR), Mogodişo’da (Somali), Bonn’da (Germaniya), Trablus’ta (Liviya), Mostar’da (Bosniya hem Gerţogovina).
Dört yıl Germaniyanın Nürnberg kasabasında başkonsulosluk yaptı. Nedän sora, Ankaraya dönüp, Dışişleri Bakannıında yurtdışı vatandaşlarlan ilgili bölümdä iki yıl genel müdür yardımcısı işledi.
