1951-ci yılın Harman ayın 20-dä kuruldu SSRBnın DOSAAFı (Добровольное общество содействия армии, авиации и флоту СССР – SSRBnın armataya, aviațiyaya hem flota yardımcılık gönüllü cümnesi), angısının uuruydu – memleketin koruyuculuk kuvedini kaavileştirmää hem hazırlamaa insannarı soțializma Vatanını korumaya.
Halizdän DOSAAFın kurulması sayılêr 1927-ci yılın Büük ayın 23-çü, açan SSRBda kuruldu OSOAVİAHİM Cümnesi (Общество содействия обороне, авиационному и химическому строительству – Korunmanın, aviațiyanın hem himiyanın düzülmesinä yardımcılık cümnesi).
Sovet Soțialist Respublikaları Birliin (SSRB) 1991-ci yılda daalamsınnan DOSAAF ta parçalandı. Kimi baamsız respublikalarında o hep kendi uurunnan izmet etmää başladı.
Bakmadaan ona, ani Moldova Respublikasında bu Cümne darmadaan edildi, DOSAAF kullanılêr kimi avtoşkolaların adında. Bu yapılêr şkolaların kaliteli üüredicilik siztemasını göstermäk için.
Patrettä: Gagauziyanın Çeşmä küüyündeki bir DOSAAF panosu.
