Hederlez ayın 5-10 günnerindä Eskişehir 2013 yılı Türk dünnäsının kultura baş kasabası çalışmaları çerçevesindä Türkiyenin Eskişehir kasabasında I. Türk dünnäsı kiyat hem kultura Salonu hem Türk dünnäsı yazarlar Meclisi (parlamentı) toplantısı olêr. Hazırladı bu meropriyatiyaları Avrasya yazarlar Birlii.
Meropriyatiyalarda kiyatlar sergileri hazırlanacek (77 yayın evi pay alêr), konţertlär, peet okumaları hem avtorların kiyat imza günneri yapılacek, kiyat muzeyi kurulacek.
Türk dünnäsı yazarlar Meclisi (parlamentı) toplantısının programasında görä, Meclisin (parlamentnı) hem Salonun ofiţial açılışı yapılacek, delgaţiyaların konuşmaları yapılacek. Bundan kaarä “Dünnää karşısında yazıcı”, “Kiyat tehnologiyalarlan yarışêr mı?” hem “Yazıcılar hakları” temalara seminarlar geçecek.
Ayırıca Türk dünnäsı yazarların Ankarada TBMM (Türkiye Büük Milli Meclisi) görüşmeleri olacek.
