alper-gezeravci-ben döndüm_1

10.02.2024, tarafından yazılı , CÜMNE BÖLÜMÜ, 134 KERÄ BAKILMIŞ

Alper GEZERAVCI: “Merhaba Dünya! Ben geldim!” “Hoş geldin!”

Türkiyenin ilk kosmonavtı Alper GEZERAVCI Küçük ayın (fevral) 9-da Halklararası kosmos stanțiyasından Dünnääya döndü.

Türkiyenin ilk kosmonavtı Alper GEZERAVCI, kosmostan Dünnääya dönmesinin 3 kerä ertelenmesi beterinä, Küçük ayın (fevral) 7-dä saat 17:20-dä, Halklararası kosmos stanțiyasından ayırılıp, “Dragon” adlı kospos kapsulasında Axiom-3 ekipajınnan, yaklaşık 48 saattan sora, Dünnääya döndü. Etiştii gibi, Alper GEZERAVCI kendi internet sayfasında yazdı: “Merhaba Dünya! Ben geldim!” “Hoş geldin!”

Şindi Canabisi hem onun yolcu kafadarları bir afta gözlem altında bulunaceklar.

Alper GEZERAVCI Büük ayın 19-da Türkiye saadına görä saat 00:49-da (ABD saadınnan Büük ayın 18-nin saat 16:49) NASAnın Floridadaki Kennedi Kosmos Merkezindän “Dragon” adlı kospos kapsulasınnan yıldızlı yolculuuna yollandı hem 36 saattan sora, Büük ayın 20-dä, Halklararası kosmos stanțiyasına vardı.
Kutluca olsun!

 

BİR CUVAP YAZIN