Çiçek ayın 27-dä, Ukrayna Ankara Büükelçilii zaametinnän hem Türk İşbirlii hem Koordinaţiya Agenstvosunnnan (TİKA) hem da Ukrayna gagauzlar Birlii dernäännän ortaklıınnan, Ankarada geçti “Ukrayna gagauzların kultura günü”.
“Ukrayna gagauzların kultura günü”ndä açılış sözlerinnän nasaat ettilär Ukrayna Ankara Büükelçisi Vasıl BODNAR hem Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK.
Dr. Mahmut ÇEVİK urguladı: “Halizdän, Çiçek ayın 27-dä gagauzların istoriyasında önemni bir dil – gagauzların dilinä izmet edän Mihail ÇAKİRin duuma günü. Biz dä, bu büük adama saygı göstereräk, gagauz soydaşlarımıza hem moldovalı insannara deyni Kişinevdä bulunan Mihail ÇAKİRin bibliotekasına eniletmäk yaptık. Bundan kaarä Gagauz Yerindä yaşayan gagauzlara, Ukrayanada gagaulara, krım tatarlarına hem meshetin türklerinä TİKA 600-zä yakın proekt ömürä geçirdi”.
“Ukrayna gagauzların kultura günü” çerçevgesindä, sırada gagauz kulturasınnan ilgili hem resim sergileri yapıldı, gagauz milli imeklerindän dadıldı, konțert gösterildi hem “Gagauz Ata sözleri” kiyadın tanıtımı yapıldı.
“Ukrayna gagauzların kultura günü” sırasına katıldılar devlet adamnarı, büükelçilär, Türkiyedä yaşayan gagauzlar hem krım tatarları, kultura insannarı.
