Türkiye Respublikasının kurucusunun, Türk dünnääsının Atasının hem da XX-ci üzyılın en anılmış dünää lideri Mustafa Kemal ATATÜRKün aramızdan ayrılımasının 85-ci yıldönümü saygıylan anıldı.
Kasımın 10-da Türkiye Kişinev Büükelçiilindä saygıylan anıldı Türkiye Respublikasının kurucusunun, Türk dünnääsının Atasının hem da XX-ci üzyılın en anılmış dünää lideri Mustafa Kemal ATATÜRKün aramızdan ayrılmasının 85-ci yıldönümü.
Bu işlän ilgili yapıldı bir saygı sırası, neredä pay aldılar Türkiye Kişinev Büükelçiilin diplomatları hem personalı, TİKA Kişinev programaları ofisin zaametçileri, Moldovada türk iş adamnarı hem üüredicileri, gagauz yazıcısı hem başka insannar.
Sırada Mustafa Kemal ATATÜRKä susmaklan hem Büükelçiiliin aulunda olan Türkiye Bayraan biraz indirililmesinnän saygı gösterildi, sora da Türkiye Respublikasının Gimnası çalındı. Nedän sora sırasında bulunannarın önündä nasaat ettilär Türkiye Kişinev Büükelçisi Uygar Mustafa SERTEL hem Büükelçiliin iç işeri müşaviri Enver ÖZKAL.
Bu kısa bir mitingtan sora da ATATÜRKün byustuna saygıylan çiçek koyuldu.
Gagauziyada bu gün Kongaz küüyün Süleyman DEMİREL teoretik liţeyindä bakıldı, neredä pay aldılar Komrat Türkiye Başkonsulluun zaametçileri dä.
