Hederlez ayın 16-da dünneyin Halklararası muzeylär günündä, Moldova kultura ministerliin tarafından hazırlandı hem Moldova Milli hem İstoriya muzeyindä düzennendi “Diişän toplumnarda muzeylerin gelecää” sırası.
Büünkü muzeylerin cümnedä erleri hem onnarın genişletmesindä fikir alış-veriş yapmaa deyni, bu sırada bireri toplandılar milli varlık ustaları, muzeylerin direktorları hem kulturayı sevän insannarı.
“Diişän toplumnarda muzeylerin gelecää” sırası çerçevesindä, Moldova kultura ministerlii verdi kendi ödüllerini hem Diplomalarını o insannara, kim kultura varlıın korunmasında hem tanıtnasında üstolan zaametlerini gösterdi.
En üüsek kalitedä zaametleri, varlıın tanıtması hem büünkü günä uyan durumnara görä korunması hem erindeki cümnenin örnekli katılması üzerä, hem dä muzeografiya uurunda başarıları için, Moldova kultura ministerlii “Büük ödül”ü verildi Gagauziyanın Avdarma küüyün istoriya muzeyinä verildi. Muzeyin adından ödülü kablettilär Avdarma küüyün istoriya muzeyin kurucusunun İgnat KAZMALI hem bu muzeyin direktoru Olga TRANDAFİLOVA.
