Moldova premyer-ministru yardımcısı hem da dışişleri hem Evropaya integrațiya ministerliin ministrusu Mihay PAPUŞOY hem Bulgariya dışişleri ministrusu Georg GEORGİYEV annaştılar, ani Taraklı kasabasında tezdä Moldovada bulgar universitetın filialı açılacek.
Bu olaylan ilgili ortak bir pres-kobferențiyada Moldova premyer-ministru yardımcısı hem da dışişleri hem Evropaya integrațiya ministerliin ministrusu Mihay PAPUŞOY hem Bulgariya dışişleri ministrusu Georg GEORGİYEV, pres-kobferențiyada açıkladılar, ani Taraklı kasabasında açılan Moldovada bulgar universitetın filialında üüretmäk bulgarca, romınca hem angliyca olacek.
Te bölä – şah hem mat, sana Gagauziyada industriya kolecına çevirilän “Türkiye Prezidentı Recep Tayyip ERDOĞAN üüredicilik kompleksı”na, neredä romınca, angliyca hem Türkiye türkçesindä üüretmeyä adadıydılar, ama, bizä sormadaan, sade romıncayı braktılar.
Unutmayın, ani hep bu insannar bizä adadıydılar, ani 2024-cü yılın Kırım (dekabri) ayın 30-dakı Moldova pravitelstvosu kararına görä, Komrat industriya kolecında üürenmäk romınca, angliyca hem Türkiye türkçesindä olacek – https://anasozu.com/recep-tayyip-erdogan-uuredicilik-kompleksini-industriya-kolecina-cevirdilar/.
Moldova tarafı, taa ilerki sözlerindän bir umursuz atılıp hem son-sonunda domaldıp, Komrat kolecına sade romıncayı soktu.
