Başlatıp Kirez ayın (iyün) 1-ndä Orak ayın (iyül) 20-dän Komratta, Gagauziyanın baş stadionunda, geçecek “MEDIA FOOTBALL LEAGUE CUP COMRAT” (“MFL CUP 2025”) futbol turnirı.
Nicä bildirdi “Ana Sözü” gazetasının redakțiyasına “MFL CUP 2025” futbol turnirını kuran hem hazırlayan Komrat kasabasının Munițipiy Sport Şkolasının (MSŞ) direktoru Gavril Borisoviç TULBA,“MFL CUP 2025” futbol turnirına katılmaa deni baş urdular Gagauziyadan hem Moldovadan 12 komanda: FK “Asker Komrat”, FK “Betacon Plus”, FK “CMF Kahul”, FK “Constructorul”, FK “Galactika”, FK “Kara Beygir”, FK “Kirsovo”, FK “Kongaz”, FK “Maiak”, FK “Oguzsport”, FK “Tomay” hem FK “Vişiniovca”.
Gavril TULBA açıkladı, ani “MEDIA FOOTBALL LEAGUE CUP COMRAT” (“MFL CUP 2025”) futbol turnirın grupa basamaanın çetilesi da artık atıldı hem belli oldu kim-kiminnän kuvetlän hem ustalıklarınnan yarışacek (bakın patredi).
Komratta hepsimizi büük futbol bekleer. Gelin, futboldan yan hem taraftar olun hem dä kendi komandalarınızdan tutun. Kirez ayın (iyün) 1-ndä buyurun “MFL CUP 2025” futbol turnirın açılışına.
