Moldova üüredicilik hem aaraştırma ministrusu Dan PERÇUNun (Dan Perciun) Komrada Kasım ayın 27-dä vizitı zaman Komrat Devlet Universitetında (KDU) “Bulgar dili hem kulturası” Merkezin açılışı yapıldı.
Nicä açıkladı Moldova üüredicilik hem aaraştırma ministerlii KDUda “Bulgar dili hem kulturası” Merkezin önemni uuru olacek ileri sürmää Moldovada yaşayan bulgar cümnesinin kulturasını hem dil özelliini hem bu bölgedä kulturaarası dialogun kaavileştirmesinä.
KDUda “Bulgar dili hem kulturası” Merkezin açılmasında ortak çalıştılar Komrat Devlet Universitetı, Moldova üüredicilik hem aaraştırma ministerlii, Bulgariya pravitelstvosunun kanadı altında olan Moldovanın bulgar cümnesinin ilerlemesi için Asoțiațiyası (ARBOM) hem Moldovada Bulgariya Büükelçilii.
Bölgedä kulturaarası dialogun kaavileştirmesini denkleştirmää deyni, bekleeriz Taraklı kasabasının bulgar Universitetında da bir “Gagauz dili hem kulturası” merkezi açılsın da orada oslun kolayı uuru olacek Moldovada yaşayan gagauz cümnesinin kulturasını hem dil özelliini ileri sürmää.
