Moldovanın Cümne saalıında Üstolan Durumu (ÜD) komisiyanın Kasımın 27-dä aldıı Karara görä bütün memlekettä 2020-ci yılın Kasımın 30-dan 2021-ci yılın Büük ayın (yanvarın) 15-dän saalık uurunda Üstolan Durum kurulêr.
Bu kararlan bütün Moldovada açık cümne erlerindä hem kapalı erlerdä medițina maskası taşımaa zorluklu oldu.
Karar görä gecä klubları (diskotekalar, karaoke, disko-barlar) kapanêrlar. Restorannar, kafelär hem barlar işleyeceklär sade saat 22:00 kadar. Saat 22:00 – 07:00 arası onnarın çalışması zapa altına alınêr.
ÜD zamanı zapa altına alınêrlar insannarın buluşmasınnan yapılan bilim konferențiyaları, sport yarışmakları, olimpiadalar. Teatrular, kinoteatrular, konțet zalları hem kultura evlerindä siiredici insannarın toplanması olmayacek.
Devlet hem özel kuruluşlarda ayırı iş rejımı kurulêr. İşä brakılacek sade okadar insan, ani etsin kuruluşun çalışması için, kalanı uzaktan lääzım olacek işlesin.
Yortulu günnerdä, cümne saalıını korumak sırasınnan, var nicä pay alsın sade 50 kişiyä kadar insan.
