Hederlez ayın (may) 19-da Türkiyedä bakılêr “ATATÜRKü anma Günü” hem “Gençlik hem sport Günü” yortularını.
106 yıl geeri, 1919-cu yılın Hederlez ayın (may) 19-da Mustafa Kemal ATATÜRK, Samsun kasabasına çıkarak, türk miilli savaşma ruhunu ateşledi. Bu büük olaylan ilgili Türkiyedä “ATATÜRKü anma, Gençlik hem sport Günü” yortusu kuruldu. İlkin bu gün 1926-cı yılda “Gazi Günü” olarak bakıldı. Sora, 1935-ci yılın Hederlez ayın (may) 24-dä, ona “ATATÜRK Günü” adı verildi. Taa sora da, 1938-ci yılın Kirez ayın (iyün) 20-dä, o günä “Gençlik hem sport Günü” yortusu adı verildi. 1981-ci yıldan beeri dä, ofițial kararlan, yortu artık “ATATÜRKü anma, Gençlik hem sport Günü” olarak bakılêr.
