Hederlez aynı 16-da, Türkiye dışişleri ministrusu Hakan FİDANın başkannıında, İstanbulda Türkiye – Rusiya – Ukrayna delegațiyaları arasında bir toplantı yapıldı. Toplantının temel konusuydu: Rusiya hem Ukrayna arasında barış annaşması kararın yollarının bulunması hem barış annaşması.
Mas-mediyaya sızan açıklamalara görä, bu buluşmada sade bir konkret karara varıldı: Rusiya hem Ukrayna arasında esir kalan her taraftan birär bin askerlän diişmäk.
Kalan konularda bir sonuç alınmadı, çünkü Rusiya Federațiyası tarafının sert teklifleri Ukrayna kabul etmemesini belli etti. Bu sert tekliflerin arasında:
– Ukrayna hem dünnää cümnesi tarafından Krımı hem Ukraynanın bu günkü Donețk, Lugansk, Zaporojye hem Herson bölgelerini Rusiya toprakları olarak tanımak;
– Ukrayna lääzım tarafsız statusunu kabletsin hem orada yabancı asker hem kaplama silähları olmasın;
– Ukrayına Rusiyadan reparațiya istemektän inkär olsun.
Ukrayna kendi tarafından bildirdi, ani barış için lafetmää deyni, Rusiya lääzım bütün frontta ateşi kessin da ondan sora annaşmak masasına otursun.
